«ИМАШЕВ КЕН ОРНЫ» ЖОБАСЫ

17 наурыз, 2022

«ҚазРосГаз» компаниясы жұмысының перспективалы бағыттарының бірі Ресейдің Астрахан облысы мен Қазақстанның Атырау облысының аумағында орналасқан Имашев трансшекаралық газ конденсаты кен орнын геологиялық зерттеу және барлау бойынша бірлескен жобаны іске асыру болып табылады. Алдын ала есептеулер бойынша кен орнының алынатын қорлары 128 млрд текше метрден астам газ және 20 млн тонна газ конденсатына бағаланады.

2007 жылдан бері Имашев кен орнындағы бірлескен жұмыс туралы келіссөздер жүргізіліп келеді және 2010 жылдың қыркүйегінде Өскеменде Қазақстан Үкіметі мен Ресей Федерациясының Үкіметі арасындағы осы кен орнын геологиялық зерттеу және барлау бойынша бірлескен қызмет туралы келісімге қол қоюмен аяқталды. «ҚазРосГаз» ЖШС-і Имашев кен орнын геологиялық зерттеу және барлау бойынша жобаны іске асыру бойынша бірыңғай оператор болып анықталды.

Үкіметаралық келісім тараптардың уәкілетті ұйымдары – «ҚазМұнайГаз» ҰК» АҚ мен «Газпром» ААҚ арасындағы шығыстарды тең қаржыландыру арқылы көмірсутек шикізаты қорларын есептеп және кен орнын игеруді техникалық- экономикалық тұрғыдан бағалай отырып, Имашев кен орнына геологиялық зерделеу мен барлау жүргізуді көздейді. Қазіргі уақытта жер қойнауын пайдалану құқығын алуға және кен орнын геологиялық зерттеу және барлау бағдарламасын дайындауға байланысты мәселелер пысықталуда.

Қазақстан мен Ресейдің осы трансшекаралық кен орнын геологиялық зерттеу және барлау жөніндегі бірлескен қызмет туралы үкіметаралық келісімін іске асыру елдер арасындағы мұнай-газ саласындағы екіжақты ынтымақтастықты одан әрі дамытуға, экономикалық әлеуеттің өсуіне және екі мемлекет халықтарының әл-ауқатының артуына ықпал ететін болады.